nga Co-op Lajme, Prill 22, 2019
Disa mijëra njerëz morën pjesë në marshimet tradicionale të Pashkëve për paqe në Berlin dhe qytete të tjera në të gjithë Gjermaninë.
Rreth 2000 aktivistë të paqes morën pjesë në marshimin në Berlin të Shtunën, duke demonstruar në favor të çarmatimit bërthamor dhe kundër NATO-s.
Protestuesit mbanin parulla dhe flamuj në mbështetje të Rusisë, Sirisë dhe Venezuelës, ndër të tjera, së bashku me simbolet e paqes ndërsa marshonin nën moton 'çarmatim në vend të armatimit'.
Protesta e Berlinit organizohet tradicionalisht nga Koordinimi i Paqes në Berlin (FriKo), dega kryesore e lëvizjes gjermane të paqes në Berlin.
Demonstratat e 'Marshit të Pashkëve' e kanë zanafillën në Marshimet e Aldermaston në Angli dhe u bartën në Gjermaninë Perëndimore në vitet 1960.
Marshimet ishin në gjendje të mobilizonin qindra mijëra njerëz deri në vitet 1980. Në vitet e fundit numrat janë lëkundur disi, por gjithsesi disponimi i protestuesve ishte optimist.
Fjalime dhe banderola për paqen
Folësit kritikuan politikën e NATO-s, e cila kërkonte armiq të rinj pas përfundimit të Luftës së Ftohtë në mënyrë që të mos shpërbëhej. Për militarizimin aktual Rusia duhet të shërbejë si një armike. Paqja me Rusinë ishte tema e shumë banderolave, si dhe fushatës në vazhdim "Hands off Venezuela".
Ish-kantautori dhe zv / ministri i kulturës në ish-Gjermaninë Lindore është aktiv si muzikant dhe si publicist. Ai e përshkroi çështjen e luftës dhe paqes si "çështjen e fatit" të sotëm. Ai bën thirrje për paqe dhe pajtim me Rusinë dhe kujtoi luftërat e hapura dhe të fshehta të NATO-s dhe Perëndimit që nga viti 1990, kundër Jugosllavisë, kundër Irakut, kundër Libisë, kundër Sirisë dhe aktualisht kundër Venezuelës.
Muzikantë të tjerë që luajtën në protestë ishin këngëtarja Johanna Arndt dhe kitaristi kilian Nicolás Miquea.