КАМПАЛА - Стејт департментот соопшти дека Соединетите држави ветија речиси 133 милиони долари дополнителна хуманитарна помош за бегалците и внатрешно раселените лица во Јужен Судан.
Помошта доаѓа во време на дискусии за тоа дали САД треба да ја прекинат својата помош за земјата која се обидува да се опорави од граѓанската војна.
Државниот секретар Џон Кери минатиот месец рече дека американската хуманитарна помош за Јужен Судан нема да продолжи засекогаш доколку неговите лидери „не се подготвени да го направат она што е неопходно за нивниот народ“.
Повеќе од еден милион луѓе избегаа од Јужен Судан од избувнувањето на борбите во декември 2013 година, а повеќе од 1.6 милиони луѓе се внатрешно раселени. Десетици илјади се убиени во најмладата земја во светот.
Соединетите Држави дадоа речиси 1.9 милијарди долари помош од почетокот на граѓанската војна.