Делегација на САД предводена од претседателката на Центарот за граѓански иницијативи, Шерон Тенисон, пристигна на Крим во деловна посета.
СИМФЕРОПОЛ (Спутник) - Делегацијата вклучува околу 10 американски јавни личности, поранешни функционери и професори. Состанокот на делегацијата, претседателот на градскиот совет на Симферопол, Виктор Агеев, и шефот на градската управа Генадиј Бахарев, е првиот официјален настан во рамките на посетата.
„Дозволете ми пред се да ја забележам вашата храброст. Ние разбираме колку е важна работата на граѓанските иницијативи конкретно во нашата средина. Се надевам дека преку комуникацијата со нас ќе видите дека луѓето од Крим се обединети без разлика на вера и националност и градат нов Крим“, рече Бахарев.
Тенисон пак им се заблагодари на властите на Симферопол за топлото добредојде и ја изрази желбата на делегацијата да ги искористи сите можности да каже што точно се случува на Крим.
Крим се отцепи од Украина за да и се придружи на Русија во март 2014 година по референдумот на кој над 96 отсто од гласачите го поддржаа потегот. Западот го означи гласањето како нелегална „анексија“. Москва изјави дека референдумот е целосно усогласен со меѓународното право.
