By Телесур
Боливискиот претседател Ево Моралес разговараше со teleSUR ексклузивно на 8 јануари 2014 година | Фото: teleSUR
Ево Моралес денеска ќе и го предаде на Јужна Африка претседавањето со Групата 77 земји.
Боливискиот претседател Ево Моралес го повика светот да го следи примерот на Групата 77 земји плус Кина и да им даде приоритет на социјалните политики на домашен терен и да го почитува принципот на суверенитет на меѓународно ниво.
Боливискиот претседател во четвртокот ексклузивно разговараше со teleSUR по повод префрлањето на претседателството на Групата 77 земји плус Кина. Претседателот Моралес беше во Њујорк во седиштето на ОН за го предаде претседателството на неговиот јужноафрикански колега Џејкоб Зума.
Во интервјуто, Моралес ги повтори претходните повици за одбрана на земјите од странско мешање и за „свет без војна“.
Моралес му се заблагодари на телото за можноста да ја води најголемата група земји во ОН, велејќи: „Чувствувам дека под оваа администрација повторно ја лансиравме групата“.
Со Ево Моралес како претседател, Г77 плус Кина драматично го подигна својот профил и ја зајакна способноста на групата земји да презентираат униформни позиции на меѓународно ниво.
„Претходно, империите не поделуваа со цел политички да доминираат со нас“, рече Моралес.
Под Моралес, Г77 стави голем акцент на социјалните политики, нешто што претседателот го повика неговиот наследник да продолжи.
„Една од задачите што си ги поставивме е искоренување на сиромаштијата“, рече Моралес.
Групата од 77 земји е создадена во 1964 година со цел да се промовира соработката југ-југ.