ყირიმში საქმიანი ვიზიტით ამერიკის შეერთებული შტატების დელეგაცია მოქალაქეთა ინიციატივების ცენტრის პრეზიდენტის შერონ ტენისონის ხელმძღვანელობით ჩავიდა.
SIMFEROPOL (Sputnik) - დელეგაციაში შედიან დაახლოებით 10 ამერიკელი საზოგადო მოღვაწე, ყოფილი თანამდებობის პირები და პროფესორები. ვიზიტის ფარგლებში პირველი ოფიციალური ღონისძიება იყო დელეგაციის, სიმფეროპოლის საკრებულოს თავმჯდომარის ვიქტორ აგეევისა და ქალაქის ადმინისტრაციის ხელმძღვანელს გენადი ბახარევს შორის შეხვედრა.
„პირველ რიგში ნება მომეცით აღვნიშნო თქვენი გამბედაობა. ჩვენ გვესმის, რამდენად მნიშვნელოვანია სამოქალაქო ინიციატივების მუშაობა კონკრეტულად ჩვენს გარემოში. იმედი მაქვს, რომ ჩვენთან კომუნიკაციით დაინახავთ, რომ ყირიმელი ხალხი რელიგიისა და ეროვნების მიუხედავად გაერთიანებულია და აშენებს ახალ ყირიმს“, - განაცხადა ბახარევმა.
ტენისონმა თავის მხრივ მადლობა გადაუხადა სიმფეროპოლის ხელისუფლებას თბილი დახვედრისთვის და გამოთქვა დელეგაციის სურვილი გამოეყენებინა ყველა შესაძლებლობა, რათა ეთქვა ზუსტად რა ხდებოდა ყირიმში.
ყირიმი უკრაინას გამოეყო და რუსეთს შეუერთდა 2014 წლის მარტში რეფერენდუმის შემდეგ, რომელშიც ამომრჩეველთა 96 პროცენტმა მხარი დაუჭირა ამ ნაბიჯს. დასავლეთმა კენჭისყრას უკანონო "ანექსია" უწოდა. მოსკოვმა განაცხადა, რომ რეფერენდუმი სრულად შეესაბამებოდა საერთაშორისო სამართალს.
