ԱՄՆ պատվիրակությունը՝ Քաղաքացիական նախաձեռնությունների կենտրոնի նախագահ Շերոն Թենիսոնի գլխավորությամբ, աշխատանքային այցով ժամանել է Ղրիմ։
ՍԻՄՖԵՐՈՊՈԼ (Sputnik) — Պատվիրակության կազմում ընդգրկված են մոտ 10 ԱՄՆ հասարակական գործիչներ, նախկին պաշտոնյաներ և դասախոսներ։ Այցի շրջանակներում առաջին պաշտոնական միջոցառումն էր պատվիրակության՝ Սիմֆերոպոլի քաղաքային խորհրդի նախագահ Վիկտոր Ագեևի և քաղաքային վարչակազմի ղեկավար Գենադի Բախարևի հանդիպումը։
«Թույլ տվեք նախ նշեմ ձեր քաջությունը. Մենք հասկանում ենք, թե որքան կարևոր է քաղաքացիական նախաձեռնությունների աշխատանքը հատկապես մեր միջավայրում: Հուսով եմ, որ մեզ հետ շփվելու միջոցով դուք կտեսնեք, որ ղրիմցիները անկախ կրոնից և ազգությունից համախմբված են և կառուցում են նոր Ղրիմը»,- ասել է Բախարևը։
Թենիսոնն իր հերթին շնորհակալություն է հայտնել Սիմֆերոպոլի իշխանություններին ջերմ ընդունելության համար և պատվիրակության ցանկությունն է հայտնել օգտագործել բոլոր հնարավորությունները՝ պատմելու, թե կոնկրետ ինչ է կատարվում Ղրիմում։
Ղրիմն անջատվել է Ուկրաինայից՝ Ռուսաստանին միանալու համար 2014 թվականի մարտին հանրաքվեից հետո, որի ժամանակ ընտրողների ավելի քան 96 տոկոսը կողմ է արտահայտվել այդ քայլին: Արևմուտքը քվեարկությունը որակեց որպես անօրինական «անեքսիա»: Մոսկվան հայտարարել է, որ հանրաքվեն լիովին համապատասխանում է միջազգային իրավունքին։
