ад The Japan Times, Лістапад 3, 2017
Дзясяткі тысяч людзей зладзілі мітынг у цэнтры Токіа ў пятніцу ў знак пратэсту супраць націску прэм'ер-міністра Сіндза Абэ ўнесці папраўкі ў Канстытуцыю.
Каля 40,000 тысяч чалавек сабраліся ля Сойму, каб адзначыць 71-ю гадавіну абнародаваньня Канстытуцыі, паведамілі арганізатары.
«Правільны шлях - гэта правядзенне кампаніі па абароне і выкарыстанні артыкула 9 і ліквідацыі ядзернай зброі ва ўсім свеце», - сказаў Кавасакі, спасылаючыся на палажэнне аб адмове ад вайны.
Былы суддзя Вярхоўнага суда Куніо Хамада выказаўся супраць прапановы Абэ аб унясенні паправак у артыкул 9, каб узаконіць Сілы самаабароны. Прапанова «падарве давер і стандарты, створаныя за 70 гадоў пасля заканчэння Другой сусветнай вайны», сказаў ён.
Тошыюкі Сано, 67-гадовы жыхар сталіцы, сказаў, што і яго бацьку, і дзядзьку зацягнулі на вайну, а дзядзька загінуў.
«Артыкул 9 трэба абараняць любой цаной», — сказаў ён.
Кіруючая кааліцыя Абэ перамагла на выбарах у Палату прадстаўнікоў 22 кастрычніка.
Палітычныя сілы, якія выступаюць за ўнясенне паправак у Канстытуцыю, у тым ліку кіруючы блок, у цяперашні час валодаюць большасцю ў дзве траціны ў абедзвюх палатах Сойму — узровень, неабходны для вынясення змяненняў у канстытуцыю на ўсенародны рэферэндум.